ٹیکنالوجی

فیس بک میسنجر میں ’’اَن سینڈ‘‘ فیچر متعارف کروانے کا فیصلہ

شیئر کیجئے

کیلیفورنیا: فیس بک نے اپنے میسنجر میں ’’اَن سینڈ‘‘فیچر متعارف کروانے کا فیصلہ کرلیا ہے۔

فیس بک کے میسجنر میں ’’ان سینڈ‘‘ فیچر کے ذریعے غلطی سے بھیجے گئے پیغام یا تصویر کو 10 منٹ کے اندر ڈیلیٹ کرنا ممکن ہوگا۔ یہ فیچر فیس بک میسنجر کی آنے والی اَپ ڈیٹ کا حصہ ہوگا۔

واضح رہے کہ فیس بک کی دیگر ایپس انسٹاگرام اور واٹس ایپ میں پیغامات کو ایک مخصوص وقت کے اندر ڈیلیٹ کرنے کا آپشن پہلے ہی موجود ہے، تاہم میسنجر میں ایسا نہیں ہے۔

فی الوقت فیس بک میسنجر میں پیغامات ڈیلیٹ کرنے کا بہت محدود ورژن موجود ہے، جس کے ذریعے پیغام صرف بھیجنے والے کے پاس سے ہی ڈیلیٹ کیا جاسکتا ہے۔

یہی وجہ ہے کہ فیس بک صارفین کی جانب سے اَن سینڈ فیچر کے لیے کافی عرصے سے مطالبہ کیا جارہا تھا۔

loading...

متعلقہ مضامین

Close
Close