تفریح

مادھوری ڈکشٹ آج اپنی 52ویں سالگرہ منارہی ہیں

شیئر کیجئے

ممبئی: مادھوری ڈکشٹ آج اپنی 52ویں سالگرہ منارہی ہیں۔

15 مئی 1967ء کو ممبئی میں پیدا ہونے والی مادھوری ڈکشٹ نے 1984ء میں ڈرامہ ابودھ سے اپنے کیریئر کا آغاز کیا۔ انہوں نے اپنی پہلی کمرشل فلم 1988ء میں انیل کپور کے مد مقابل کی۔ تیزاب کے نام سے اس فلم نے مادھوری ڈکشٹ کی بالی ووڈ میں ایسی دھاک بٹھائی جو ایک عرصے تک قائم رہی۔ یہ وہ وقت تھا جب بالی ووڈ میں سری دیوی کا طوطا بولتا تھا لیکن مادھوری نے آتے ہی تمام اداکاراﺅں کی چھٹی کردی۔ اپنی جاندار اداکاری، خوبصورت مسکراہٹ اور زبردست ڈانس کی بدولت مادھوری جلد ہی کروڑوں دلوں کی دھڑکن بن گئیں۔

90 کی دہائی میں مادھوری ڈکشٹ بالی ووڈ کی سب سے زیادہ معاوضہ وصول کرنے والی اداکارہ تھیں۔ انہوں نے رام لکھن، تری دیو، دل، ساجن، بیٹا، کھل نائیک اور دیوداس جیسی سپرہٹ فلموں میں کام کیا۔ دھک دھک گرل کو جاندار اداکاری کی بدولت 6 بار فلم فیئر ایوارڈ سے نوازا گیا۔ ہندوستان کی حکومت نے 2008ء میں مادھوری ڈکشٹ کو چوتھے بڑے سویلین ایوارڈ پدما شری سے بھی نوازا۔

اپنے فلمی کیریئر کے دوران مادھوری ڈکشٹ کا نام سنجے دت کے ساتھ لیا جاتا رہا لیکن جلد ہی دونوں کی راہیں جدا ہوگئیں۔ ایک عرصے تک مادھوری کا ساتھی اداکار انیل کپور کے ساتھ بھی معاشقہ چلتا رہا لیکن یہ رشتہ بھی جلد ہی ختم ہوگیا۔ 1999ء میں اس وقت مادھوری نے نے ڈاکٹر شری رام مادھو نینے سے شادی کرلی۔

loading...

متعلقہ مضامین

Close
Close